من الحاجات اللي الواحد يحب دايما يحطها في باله انه يروح صالة لياقة بدنية (جيم يعني) بس الفكره ان النيه دايما موجوده بس الفعل... انسى... ممكن نحسبها عمليا... لما اروح التمرين وادفع فلوس واروح علشان اعصر نفسي واطلع عيني وارجع البيت متكسح ومش قادر اتحرك ولا ارفع حتى صباع .. وكل ده على امل انه يطلعلي عرق في دراعي حتى ( بلاش نقول عضلات علشان واسعه حبتين ) يبقى ده مش اسمه خراب بيوت؟؟؟ وعلى فرض ان ربنا نفخ في صورتي وحسن ادائي وامكانياتي بقت احسن فحيكون شكلي شبه المزة اللي في الصوره دي (مزه مزه بصراحه) وبعديها بيومين كل ده حيروح كل ده... فعلا عظيم اوي مخترع الجيم ده... يامين يلايمني عليه بس!!
هناك تعليقان (2):
هو الجيم منظرة فقط عشان الناس تعرف انك معاك فلوس تربي عضلات
للأسف اغلبية الناس كده بس فيه الناس اللي فاهمه صح بتروح الجيم علشان تعمل صحة كويسة مش مجرد منظر وخلاص .. شكرا على مرورك ياجميل
إرسال تعليق