الكون في غيابك فاقد إنســـــــان وأنا في غيابك فــــاقد الكون كله
اهداء الى توأم روح وصديق سابق..
الخميس، 10 يوليو 2008
الأحد، 6 يوليو 2008
بالصراحة أحلى
ساعات بتلاقي حد من اصحابك يكون عامل تسريحة شعر جديده وستايل وبيكون فرحان بيها على الرغم من ان كل الناس شايفاها عبيطة او مضحكة أو يكون حد تعرفه لابس لبس فاكر انه حلو و موضه بس يطلع عليه مش حلو خالص او لما حد من قرايبك ينجح في الثانوية العامة ويجيب 51% وتلاقي الكل بيباركلو وبيقوله طب ان شاء الله وانت بتكون مش عارف تقول ايه... في الحالة دي السكوت فعلا فعلا من دهب والبعد عن مبدأ الصراحة راحة ياعين وانت مابتعرفش هو قمة العقل ... ومتبقاش باظت
أأمن وظيفة في العالم
ياترى ايه شعور الشاب الحليوه ده اللي ماسك اللوحه اللي مرسوم عليها الهدف دي؟؟؟ اكيد طبعا مبسوط ومرتاح وحاطط في بطنه بطيخه صيفي وعنب احمر وشوية برقوق... لان الحاجات دي غالبا حتكون اخر حاجه يحطها في بطنه بعد الشغلانه اللي زي العسل دي... ربنا يستر ويكون اللي بينشن لابس نظارته وماتبوظش اكتر من كده...
الجيم للجدعان
من الحاجات اللي الواحد يحب دايما يحطها في باله انه يروح صالة لياقة بدنية (جيم يعني) بس الفكره ان النيه دايما موجوده بس الفعل... انسى... ممكن نحسبها عمليا... لما اروح التمرين وادفع فلوس واروح علشان اعصر نفسي واطلع عيني وارجع البيت متكسح ومش قادر اتحرك ولا ارفع حتى صباع .. وكل ده على امل انه يطلعلي عرق في دراعي حتى ( بلاش نقول عضلات علشان واسعه حبتين ) يبقى ده مش اسمه خراب بيوت؟؟؟ وعلى فرض ان ربنا نفخ في صورتي وحسن ادائي وامكانياتي بقت احسن فحيكون شكلي شبه المزة اللي في الصوره دي (مزه مزه بصراحه) وبعديها بيومين كل ده حيروح كل ده... فعلا عظيم اوي مخترع الجيم ده... يامين يلايمني عليه بس!!
مساء الخير عليكم جميعا واحب اعرفكم بنفسي.... انا شاب عادي جدا من الاسكندرية زي بقية الشباب اللي بنشوفها دلوقت .. ليا بردو ايدين ورجلين ونضاره.. وزي بقية الشباب كنت عاطل عن العمل وحاجز بلكون على القهوة اللي في اول شارعنا .. لحسن حظي اني لقيت مكان فيها اساسا لانها دلوقت بقت بالحجز لكن الحمد لله ربنا تاب عليا منها واشتغلت مهندس (اي حاجه هو الواحد لاقي) ... مش حطول عليكم حتعرفوني اكتر من خلال مدوناتي .. سلام مؤقت
الاشتراك في:
التعليقات (Atom)
