اكيد طبعا لازم تستمتع بالسما وبالسحاب كمان لان دول حايكونوا اخر حاجه تستمتع بيها وانت راكب في طيارة مصر للطيران واكيد كمان الشركة العظيمة دي ماخدتش السمعه دي كده من فراغ انما اخدتها بفضل سنوات وسنوات من الـ....- لما تلاقي السما بتمطر جثث اعرف ان دي مصر للطيران.
- مصر للطيران سجلت ببراعه اعلى ارتفاع في نسبة عدد الوفيات كل عام .. ومازال العد جاريا!
- مصر للطيران هي شركة الطيران الوحيدة اللي الكابتن فيها بيسيب الطيارة طايرة من غير طيار آلي وبيرجع يلم الأجرة (طبعا بمساعدة تباع الطيار).. وياسلام لو الطيار ومساعد الطيار عاملين دماغ وداخلين لبعض تحدي علشان يشوفوا مين فيهم اللي حايستحمل اكتر في مسابقة فقدان الوعي.
- ياترى لو الطيار كان اسمو ماجد .. الناس حاتناديه وتقوله ايه؟؟
-ا لمزرية للطيران بتتبع سياسة القانون لايحمي المغفلين يابابا وبروتوكول اللي ماعاهوش مايلزمهوش والمبدئين دول بيظهروا بصورة واضحة في نقل الحقائب بتاعة الركاب اثناء الطيران وضمان سلامة وصول حاملها (فقط) ، وطبعا لو لاقدر الله وشنطة تم فقدها وده نادر جدا لما مابيحصلش ، الراكب عليه انه يملا استمارة بمفقوداته تكلفتها 120 جنيه زائد 50 جنيه (حلاوة اللي بيملا الاستمارة) والشنطة المفقوده اصلا فيها حاجات لاتزيد عن 20 جنيه.. بحبك يامصر.
- ممكن تميز موظفين شركة مصر للطيران عن غيرهم بأنهم كلهم بيبتسموا في وشك ابتسامه صفرا وبيمدولك ايديهم وبيختموا كل كلامهم بــ كل سنه وانت طيب ياباشا أو يارب يخليلك عيالك يابيه.
- جميع الخطوط الجوية بيكون فيها درجات.. الأولى والتانيه والتالته.. مصر للطيران الشركة الوحيده من نوعها اللي خلت كل طياراتها درجة واحده.. الرابعه
- احساس جميل لما تركب طيارة مصر للطيزان وتلاقي واحده ست كبيرة قاعده جنبك وبترضع ابنها ورامية في حجرك ابنها التاني لغاية مالأولاني يخلص رضاعه..وممكن كمان تقولك رضعهولي والنبي يابني.
- طبعا مش عايز اتكلم عن المساحة الشاسعه اللي بين كرسيك في الطيارة والكرسي اللي قدامك اللي تقاس بالميكرومتر المربع وياسلام كمان لو اللي قدامك حب يريح الكرسي بتاعو عليك شوية علشان عايز ينام حبتين.
- الوجبه اللي بتتقدم في الطيارة خلال فترة الغداء عبارة عن طبق صغير متقسم لأجزاء أصغر مكونه من شوية فاصوليا (الفاصوليا ماعليهاش أي اضافات .. يعني من السوق للطبق على طول) وشوية لبن بودرة وحتة تونه (ده على اساس ان اللي راكبين بينونووا مثلا ولا حاجه)..طبعا الحاجه الوحيده اللي ممكن الواحد ياكلها في الليلة دي هي حتة الجاتوه اللي هي عبارة عن 2سم×2سم واللي بيكون عليها علامات اسنان من الشخص اللي كان بياكل فيها قبلك .
- يتم في الطائرة توزيع الجرائد والمجلات العالمية فقط.. الحوادث، سيدتي، الجمهورية ،وأخبار النوم.
- اجراءات الأمن والسلامة في الطيارة بتتلخص في مسدس عيار 24 بيكون موجود تحت كل كرسي من كراسي الركاب علشان لاقدر الله لو الراكب انزعج من حاجه في الطيارة يطلع المسدس ويوجهه ناحية راسه و... (طبعا مصر للطيران بتحط طلقة واحده في كل مسدس علشان دي تعتبر زياده في المصاريف).
- طبعا مش عايز اوصف في حلاوة التكشيرة اللي مرسومة على وش كل مضيفات ومضيفين الطيارة أثناء الطيران.. والغريب ان التكشيرة دي بتتمسح اول مابتوصل الطيارة بالسلامة وبتترسم مكانها نفس الابتسامه الصفرا اللي بتكون على وش كل الموظفين بتوع مصر للطيران .. مش عارف يمكن سببها ان الطيارة عملت سابقة في تاريخ الطيران ووصلت بالسلامة ولا يمكن عايزين منك حاجه نفس الحاجه اللي عايزينها في الكلام اللي فات.. بس ماعلينا.
